“Әбу Насыр әл-Фараби – Ұлы даланың дара перзенті” атты онлайн-кездесу өтті

Фейзбук желісіндегі онлайн-кездесуде шығыстанушы ғалым Әбсаттар Дербісәлі әл-Фарабитануға қалай келгендігі жөнінде естеліктермен бөлісті. Сонымен бірге, Фарабитану барысында Фараб қаласынан шыққан 30 дан астам әл-Фарабилерді тауып, зерттегендігін атап өтті. Әбу Насыр әл-Фарабидің өмір жолы мен оның еңбектеріндегі таңғажайыптарға тоқталды. Қазақ қоғамына әл-Фарабидің ізгілік пен ғылымды негіз еткен ұлы мұрасы әлі күнге дейін қызмет ете беретіндігіне сенетіндігін жеткізді. Әбу Насыр әл-Фарабидің көп тіл білуі, ғылымға ынтық болуы, көптеген салалар бойынша еңбектер жазған көпжақтылығы жастарға үлгі болатындығын атады. Онлайн-кездесу соңында оқырман сұрақтарына жауап берді. Мұндай кездесулердің болып тұруы – бүгінгідей пандемия кезеңінде ауадай қажет. Р.Б.Сүлейменов атындағы Шығыстану институты бұл игі дәстүрді жалғастырып тұрмақ.