Сүлейменов атындағы Шығыстану институтына докторантураға құжат қабылдау басталды
![](http://shygystanu.kz/wp-content/uploads/2024/07/1565952221_5367-905x613.jpg)
Сүлейменов атындағы Шығыстану институты 1996 жылы құрылған. 28 жылдық тарихы бар білім ордасы қазіргі таңда Қазақстандағы және Орта Азия аймағындағы шығыстану саласының ірі ғылыми-зерттеу орталығына айналған.
Институттың ғылыми зерттеулер бағыты сан салалы. Мәселен, Шығыс елдерінің тарихы; Шығыс елдерінің қазіргі сыртқы және ішкі саясаты; Шығыс елдері мен Қазақстанның қарым-қатынасы; Шығыс елдерінің тарихнамасы (деректануы); Шығыс елдерінің тілдері (қытай, жапон, корей, түрік, парсы, араб және т.б.); Шығыс елдерінің мәдениеті; Шығыс елдері жекелеген халықтарының тарихы мен мәдениеті (ұйғырлар, күрттер, дүнгендер және т.б.); сынды бағыттарды қамтиды.
Ғылыми жетекшілікті Институттың профессорлары, ғылым докторлары, ғылым кандидаттары, PhD докторлары, жетекші ғылыми қызметкерлері жүргізеді.
Биылғы жылы ғылым доктары дәрежесіне үміткерлер үшін институтта «8D02212 – Классикалық шығыстану» (Ғылым Ордасы) білім беру бағдарламасы бойынша дайындау үшін 2024–2025 оқу жылына 5 орын (мақсатты даярлық гранты) бөлініп отыр.
Докторантураға түсуші тұлғалар келесі құжаттарды тапсыруы керек:
ЖЖОКБҰ-ға өтініш жасаған кезде:
1) ЖЖОКБҰ басшысының атына еркін нысандағы өтініш;
2) білім туралы құжат (құжаттарды қабылдау комиссиясына тапсырған кезде түпнұсқасы);
3) жеке басын куәландыратын құжат (жеке басын сәйкестендіру үшін қажет);
4) ҰТО берген мемлекеттік тіл бойынша емтихан тапсырғаны туралы ресми сертификат (ҚАЗТЕСТ) (http://www.testcenter.kz/kaztest/);
5) шет тілін меңгергенін растайтын сертификат:
Өзгеде толық ақпаратты Әл-Фараби атындағы Қазақ ұлттық университетінің сайтынан (https://welcome.kaznu.kz/kz/24373/page; https://welcome.kaznu.kz/kz/education_programs/doctorate/) алуға болады немесе 8-707-426-51-47 нөміріне хабарласыңыздар.