ИСЛАМТАНУШЫ ҒАЛЫММЕН КЕЗДЕСУ
Бүгін Р.Б. Сүлейменов атындағы Шығыстану институтында Ресей Федерациясының СІМ Мәскеу мемлекеттік Халықаралық қатынастар институтының аға ғылыми қызметкері, белгілі исламтанушы ғалым, тарих ғылымдарының кандидаты Ахмет Ярлыкаповтың қатысуымен ғылыми семинар өтті.
Семинарға институттың ғалымдары қатысты. Семинарды институт директорының ғылым жөніндегі орынбасары, экономика ғылымдарының докторы Ғ.М. Дүйсен жүргізіп отырды.
Ахмет Ярлыкапов «Основные тенденции ислама на постсоветском пространстве» деген тақырыпта баяндама жасады және институтқа өзінің «Сынтаслар» атты кітабын сыйға тартты.
Ғ. Мұстахимұлы шара соңында қонаққа қызықты баяндама үшін рахмет айтып, институттың жанынан шығатын кітаптарды сыйға тартты.
